सोलापूर : शिवसेनेचे ज्येष्ठ नेते आणि खासदार संजय राऊत रविवारी दुपारी देगाव येथे शिवसेनेचे सोलापूर कृषी उत्पन्न बाजार समितीचे संचालक प्रकाश वानकर यांच्या फार्म हाऊसवर हुरड्याचा आस्वाद व स्नेहभोजनही घेतले.
यावेळी शिवसेनेचे ज्येष्ठ नेते प्रकाश वानकर, सोलापूर शहर मध्य विधानसभेचे शहराध्यक्ष दत्तात्रय वानकर, युवा सेनेचे शहर प्रमुख विठ्ठल वानकर आणि समर्थ गणेश वानकर यांनी खासदार संजय राऊत यांचा यथोचित सन्मान केला.ज्योत्स्ना संतोष सुपाते यांनी खासदार संजय राऊत यांचे औक्षण केले.यावेळी शिवसेनेचे संपर्कप्रमुख अनिल कोकीळ, पंढरपूर विभागाचे जिल्हाप्रमुख संभाजी शिंदे, जिल्हाप्रमुख अमर पाटील, युवा सेनेचे विस्तारक उत्तम आयवळे, युवा सेनेचे जिल्हाप्रमुख बालाजी चौगुले, संतोष सुपाते, विजय वानकर, संजय पौळ, लहू गायकवाड, वजीर शेख, रेवण पुराणिक, बाबासाहेब मल्लाडे, संतोष कोरे, इब्राहिम शेख, संभाजी वाघ ,म्हमाने काका, अमोल मोरे, गुरुनाथ शिंदे यांच्यासह शिवसेनेचे अन्य पदाधिकारी आणि कार्यकर्ते मोठ्या संख्येने उपस्थित होते .
सोलापुरी हुरड्याचे कौतुक
खासदार संजय राऊत यांनी वानकर परिवाराच्या फार्म हाऊसवर रविवारी दुपारी हुरड्याचा मनमुराद आनंद लुटला. हुरड्यासोबतच शेंगा चटणी, गुळ तसेच ताकाचाही आस्वाद घेतला. सोलापुरी हुरड्याची लज्जतच न्यारी, अशा शब्दात खासदार संजय राऊत यांनी हुरड्याचे तोंडभरून कौतुक केले.
वानकर परिवार एकनिष्ठ
खासदार संजय राऊत हुरड्याचा आणि स्नेहभोजनाचा आस्वाद घेत असताना संपर्कप्रमुख अनिल कोकीळ तसेच जिल्हाप्रमुख संभाजी शिंदे यांनी शिवसेनेचे ज्येष्ठ नेते प्रकाश वानकर यांच्यासह कुटुंबातील सदस्य असलेले जिल्हाप्रमुख गणेश वानकर, सोलापूर शहर मध्यचे शहरप्रमुख दत्तात्रय वानकर, युवा सेनेचे शहर प्रमुख विठ्ठल वानकर यांचे शिवसेनेवरील असलेले प्रेम आणि निष्ठा तसेच शिवसेनाप्रमुख बाळासाहेब ठाकरे यांच्यावरील नितांत श्रद्धा असल्याचे सांगत वानकर परिवार शिवसेनेची अनेक वर्षापासून एकनिष्ठ असल्याची आठवण करून दिली.