लोकसभेचा प्रचार जोमात; प्रशासनाचे बातम्यावर आहे लक्ष

सोलापूर : सोलापूर लोकसभा सार्वत्रिक निवडणूकीच्या अनुषंगाने जिल्हास्तरीय माध्यम प्रमाणीकरण आणि सनियंत्रण समितीने (एमसीएमसी) निर्भय व निष्पक्ष पदधतीने मुद्रित व इलेक्ट्रॉनिक माध्यमातून प्रसारित होणाऱ्या पेड न्यूज व जाहिरातीसह सोशल मिडीयाच्या वापरावरही अतिशय जबाबदारी व काळजीपूर्वक लक्ष ठेवावे अशी सूचना सोलापूर लोकसभेचे निरीक्षक मिथिलेश मिश्र यांनी केली.

सोलापूर लोकसभा सार्वत्रिक निवडणूक २०२४ अंतर्गत जिल्हास्तरीय माध्यम प्रामाणिकरण व संनियंत्रण कक्षाला भेट दिल्याप्रसंगी जनरल निरीक्षक मिथिलेश मिश्र हे बोलत होते. यावेळी जिल्हा माहिती अधिकारी तथा समितीचे सदस्य सचिव सुनिल सोनटक्के, संपर्क अधिकारी तथा बांधकाम विभाग २ चे कार्यकारी अभियंता हेमंत चौगुले, समिती सदस्य श्रीराम राऊत, रफिक शेख, सचिन सोनवणे, गणेश बिराजदार आदी उपस्थित होते.

सोलापूर लोकसभा निवडणूक काळात जिल्हा माध्यम प्रमाणिकरण व माध्यम सनियंत्रण समितीचे कामकाज अतिशय महत्वाचे आहे.सर्व समाज माध्यमाद्वारे उमेदवार यांच्या होणाऱ्या प्रचारावरही या समितीने काळजीपूर्वक लक्ष ठेवणे गरजेच आहे.शिवाय टी.व्हि, रेडिओ तसेच वृत्तपत्रात येणाऱ्या संशयीत पेड न्यूज , जाहिरात शोधून संबंधित उमेदवाराच्या निवडणूक खर्चात तो खर्च समाविष्ठ नियमितपणे करण्यात यावा.भारत निवडणूक आयोगाने दिलेल्या निर्देशाप्रमाणे अत्यंत काटेकोरपणे समितीने कामकाज करुन समितीने दैनंदिन पेड न्यूजचा अहवाल खर्च समितीला सादर करावा असे सांगितले.

लोकसभा सार्वत्रिक निवडणुकीच्या अनुषंगाने जिल्हा माध्यम प्रमाणीकरण व सनियंत्रण समितीचे कामकाज, इलेक्ट्रॉनिक माध्यमातील जाहिरातीवर नियंत्रण ठेवण्यासाठी स्थापित करण्यात आलेल्या टी.व्ही, युनिटचे कामकाज, सर्व नोंदी व रिपोर्ट कशा पद्धतीने दिला जातो याविषयी जिल्हा माहिती अधिकारी सुनिल सोनटक्के यांनी तसेच सोशल मीडियाविषयी सविस्तर माहिती सदस्य डॉ.श्रीराम राऊत व सोशल मीडियाचे समन्वयक तंबाके यांनी दिली. यावेळी माध्यम कक्षातील राजेंद्र तारवाले , शरद नलावडे, दिलीप कोकाटे, संजय घोडके, व्ही.एस.बिराजदार, एल.आर.बोमेन, के.ए.जमादार, ए.व्ही.अणची, आर.एस.शेख आदी उपस्थित होते.