1. पंतप्रधान नरेंद्र मोदी यांचा संकल्पनेतुन एक साथ, एक घंटे स्वच्छता के लिए श्रमदान हेतू स्वच्छता ही सेवा अभियानाला सोलापुरातील सर्वच राजकारण्यांनी प्रतिसाद दिला. महात्मा गांधी यांच्या जयंतीचे औचित्य साधून जिल्हा प्रशासन जिल्हा परिषद व महानगरपालिका यांच्या संयुक्त विद्यमाने सोलापूर शहरात रविवारी सकाळी स्वच्छता मोहीम घेण्यात आली. या मोहिमेत प्रशासकीय कर्मचाऱ्यांबरोबर विविध पक्षाच्या राजकीय नेत्यांनीही स्वच्छता मोहिमेत सक्रिय सहभाग नोंदवला.
      स्वच्छता ही सेवा मोहिमेअंतर्गत सोलापूर महानगरपालिकेच्यावतीने स्वच्छता पंधरवडा सुरू केला आहे. रविवारी  सकाळी 10 वाजता मनपा आयुक्त शीतल तेली  यांच्याहस्ते धर्मवीर संभाजी  तलाव येथे या अभियानाची सुरुवात करण्यात आली. यावेळी अतिरिक्त आयुक्त संदीप कारंजे,उपायुक्त मच्छिंद्र घोलप, नगर अभियंता लक्ष्मण चलवादी,मुख्य सफाई अधीक्षक नागनाथ बिराजदार, सफाई अधीक्षक नागनाथ मेंडगुळे, अनिल चाराटे  उपस्थित होते. मनपाच्यावतीने एसटी स्टँड,रेल्वे स्थानक, धार्मिक स्थळे,सार्वजनिक ठिकाणी तसेच  प्रत्येक वार्डामध्ये स्वच्छता मोहीम राबवण्यात आले असून प्रत्येक वार्डामध्ये स्वतंत्र पथकाची नियुक्ती करण्यात आली आहे. तसेच अभियानानंतर कचरा उचलण्यासाठी सफाई कर्मचाऱ्यासह घंटागाड्याचे नियोजन करण्यात आले आहे.

 

खासदार डॉ. जयसिद्धेश्वर शिवाचार्य महास्वामी यांच्या उपस्थितीत पूर्व मध्यमंडल भागात अशोक चौक परिसरातील स्वातंत्र्यवीर सावरकर पुतळा परिसर स्वच्छतेची मोहीम हाती घेतली. हा परिसर स्वच्छ करून महात्मा गांधीजी यांना स्वछांजली अर्पण केली तसेच आमदार तथा बाजार समिती सभापती श्री. विजयकुमार देशमुख यांच्या नेतृत्वाखाली श्री सिध्देश्वर कुषी उत्पन्न बाजार समितीच्यावतीने सेवा पंधरवडा  17 ते 2 ऑक्टोबर अंतर्गत स्वच्छता अभियान बाजार समिती मार्कटयार्ड परिसरात राबविण्यात आला.

 

दक्षिण सोलापुरातील येळेगाव येथे आमदार सुभाष देशमुख यांच्या नेतृत्वाखाली स्वच्छता मोहीम घेण्यात आली. यावेळी पदाधिकारी व ग्रामस्थ मोठ्या संख्येने उपस्थित होते. त्याचबरोबर पोलीस आयुक्त परिसरामध्ये स्वच्छता मोहीम घेण्यात आले. यावेळी पोलीस आयुक्त डॉ.राजेंद्र माने, मनपा उपायुक्त आशिष लोकरे, काँग्रेसचे शहराध्यक्ष चेतन नरोटे, माजी विरोधी पक्षनेते अमोल शिंदे त्यांच्यासह सर्व पोलीस कर्मचाऱ्यांनी त्या ठिकाणचे परिसर स्वच्छता केली.

यावेळी तुळजापूर रोड येथील हिंदू स्मशानभूमी मध्ये माजी नगरसेवक किरण देशमुख यांच्या नेतृत्वाखाली स्वच्छता मोहीम घेण्यात आली. वरील ठिकाणी भारतीय जनता पार्टीचे शहराध्यक्ष नरेंद्र काळे, माजी महापौर श्रीकांचना यन्नम, माजी सभागृह नेते संजय कोळी, राजकुमार पाटील, पांडुरंग दिद्दी, नागेश सरगम, सुनील गौडगाव, गिरीश बत्तुल, महेश बनसोडे, आनंद बिर्रू आदी नगरसेवक, उपसभापती श्रीशैल नरोळे बसवराज इटकळे सुरेश चिकळी वैभव बरबडे प्रभाकर विभुते महालिंगप्पा परमशेट्टी प्रकाश हत्ती श्रीशैल अंबारे जगदीश व्होड्रांव योगेश हिरेमठ फौज बागवान आदी मान्यवर उपस्थित होते.

आजच्या स्वच्छते मोहिमेमध्ये 52  ठिकाणी स्वच्छता मोहीम घेण्यात आले असून 145 टन कचरा उचलण्यात आला. यामध्ये 9 हजार 256 मनपा अधिकारी लोकप्रतिनिधी तसेच माजी नगरसेवक माजी पदाधिकारी व धर्म अधिकारी प्रतिष्ठानचे श्री सदस्य मोठ्या प्रमाणात सहभागी झाले होते.