मी काम करते म्हणून तीन वेळा आमदार केलात आता खासदार करा

सोलापूर: भाजपच्या निष्क्रिय खासदारनी दहा वर्षांत जिल्ह्य़ाची वाट लावली. आता एक वेळ तुम्ही मला निवडुन द्या, मी पाच वर्ष तुमचे काम करेन असा  विश्वास महाविकास आघाडीच्या लोकसभेच्या उमेदवार प्रणिती शिंदे यांनी शुक्रवारी दक्षिण सोलापूर तालुक्यातील बरूर येथे बोलताना व्यक्त केला.

आमदार प्रणिती शिंदे यांनी आपल्या लोकसभेच्या प्रचारार्थ दक्षिण सोलापूर तालुक्यात दुसऱ्या फेरीचा झंझावाती दौरा सुरू केला आहे.  शिंदे यांच्या या प्रचारा दौऱ्याला दक्षिण सोलापूर मोठा प्रतिसाद मिळत आहे जरूर येथे आयोजित सभेत बोलताना आमदार प्रणिती शिंदे यांनी मी ईडीला घाबरत नाही. माझी कुठल्याही संस्था नाहीत. मी घाबरणार नाही. शरद पवार गट, उध्दव ठाकरे गट व आडम मास्तर आणि आप माझ्याबरोबर आहेत.  मी काम करणारी आहे. मी काम करते म्हणून तीन वेळेस मला मध्यमधे लोकांनी निवडून दिले आहे. मी नाही काम केले तर कान पकडा,  परंतु यावेळेस बीजेपीला तडीपार करा आणि मला निवडुन द्या असे भावनिक आवाहन केले.

शुक्रवारी सकाळपासून दक्षिण तालुक्यातुन आमदार शिंदे यांचा प्रचार दौरा बसवनगर येथुन चालु झाला. दिवसभरच्या या दौऱ्याचे संयोजन  सुरेश हसापुरे, बाळासाहेब शेळके, पृथ्वीराज माने, अमर पाटील अनेक मान्यवर उपस्थित होते. बरुर येथे जाहीर सभा संपवून आमदार शिंदे यांनी हतरसघ कुडल, बोळकवठा, टाकळी, कुरघोट, ओज. कारकल, येळेगाव, विंचूर, शंकरनगर, निंबर्गी येथे जाहीर सभा होणार आहेत. मंद्रुप येथे जाहीर सभा होवुन प्रचार संपणार आहे.