सोलापूर : सोलापूर लोकसभा मतदारसंघासाठी दक्षिण सोलापूर व उत्तर सोलापूर विधानसभा मतदारसंघात चुरशीचे मतदान सुरू झाले असून माढा मतदारसंघात माळशिरसमध्ये मतदानाची टक्केवारी पहिल्या दोन तासात जास्त दिसून येत आहे.
जिल्हाधिकारी तथा जिल्हा निवडणूक अधिकारी कुमार आशीर्वाद यांनी सोलापूर व माढा लोकसभा मतदारसंघातील सकाळच्या सत्रातील पहिल्या दोन तासात विधानसभानिहाय झालेल्या मतदानाची आकडेवारी जाहीर केली आहे. त्यात सोलापूर लोकसभा मतदारसंघात दक्षिण व उत्तर सोलापूर विधानसभा मतदारसंघात सुमारे सात टक्के तर माढा लोकसभा मतदारसंघात माळशिरस विधानसभा मतदारसंघात चुरशीचे मतदान झाल्याचे दिसून येत आहे. सकाळी दहा वाजेनंतर उन्हाचा कडाका वाढला असला तरी मतदानासाठी ग्रामीण भागात चुरस दिसून येत आहे. बऱ्याच मतदान केंद्रावर मतदानासाठी रांगा लागल्याचे चित्र दिसून येत आहे.
अशी आहे मतदानाची टक्केवारी…
राज्यातील लोकसभा निवडणुकीच्या तिसऱ्या टप्प्यातील मतदान आज दि.७ में २०२४ रोजी सकाळी ७.००वा.पासून सूरु झाले आहे. तिसऱ्या टप्प्यातील एकूण अकरा मतदार संघात सकाळी ९ वाजेपर्यंत सरासरी ६.६४ टक्के मतदान झाले आहे.
तिसऱ्या टप्प्यातील एकूण ११ लोकसभा मतदारसंघनिहाय टक्केवारी पुढीलप्रमाणे
लातूर – ७.९१ टक्के
सांगली – ५.८१ टक्के
बारामती – ५.७७ टक्के
हातकणंगले – ७.५५ टक्के
कोल्हापूर -८.०४ टक्के
माढा -४.९९ टक्के
उस्मानाबाद -५.७९ टक्के
रायगड -६.८४ टक्के
रत्नागिरी -सिंधुदूर्ग-८.१७ टक्के
सातारा -७.०० टक्के
सोलापूर -५.९२ टक्के