जिल्हा मुद्रांक अधिकारीपदी पी. जी. खोमणे यांनी घेतला पदभार

सोलापूर : जिल्हा मुद्रांक अधिकारी पी. जी. खोमणे यांनी नुकताच पदभार घेतला आहे.

जिल्हा मुद्रांक अधिकारी गोविंद गीते हे एप्रिल अखेर सेवानिवृत्त झाले. तेव्हापासून हे पद रिक्त होते. पुणे मुद्रांक विभागातील अधिकारी पी. जी. खोमणे यांच्याकडे सोलापूरचा अतिरिक्त पदभार देण्यात आला होता. एक ऑगस्ट रोजी त्यांची ही नियुक्ती कायम झाली. त्यानंतर जिल्हा मुद्रांक अधिकारी म्हणून त्यांनी नुकताच पदभार घेतला आहे. मुद्रांक वसुलीचे इष्टांक साध्य करण्यासाठी जिल्ह्यातील नोंदणी कार्यालयामार्फत तत्पर सेवा दिल्या जातील असे त्यांनी सांगितले.