सीईओ कुलदीप जंगम यांच्याहस्ते प्रशस्तीपत्र मिळाल्याने आनंदले विद्यार्थी
सोलापूर : भारताच्या प्रजासत्ताक दिनानिमित्त रविवारी जिल्हा परिषदेच्या छत्रपती शिवाजी महाराज उद्यानात जिल्हा परिषदेचे मुख्य कार्यकारी अधिकारी तथा प्रशासक कुलदीप जंगम यांच्याहस्ते ध्वजारोहण करण्यात आले.
याप्रसंगी अतिरिक्त मुख्य कार्यकारी अधिकारी संदीप कोहिणकर, सामान्य प्रशासन विभागाच्या उपमुख्य कार्यकारी स्मिता पाटील, ग्रामपंचायत विभागाचे उपमुख्य कार्यकारी अधिकारी इशाधिन शेळकंदे, जल जीवन मिशनचे प्रकल्प संचालक अमोल जाधव, मुख्य लेखा व वित्त अधिकारी मिनाक्षी वाकडे, सिईओ यांच्या सुविद्य पत्नी सौ.जंगम, तत्कालीन मुख्य लेखा व वित्त अधिकारी अजयसिंह पवार, प्राथमिक विभागाचे शिक्षणाधिकारी कादर शेख, माध्यमिकचे शिक्षणाधिकारी सचिन जगताप, ग्रामीण पाणी पुरवठा विभागाचे कार्यकारी अभियंता संजय धनशेट्टी, बांधकाम १ चे कार्यकारी अभियंता संतोष कुलकर्णी, कार्यकारी अभियंता नरेंद्र खराडे, उप अभियंता सुनील कटकधोंड, लेखाधिकारी श्रीकांत मिरगाळे, प्रभारी समाज कल्याण अधिकारी सचिन कावळे प्रमुख उपस्थित होते. प्रारंभी छत्रपती शिवाजी महाराज यांच्या पुतळ्यास सिईओ कुलदीप जंगम यांच्याहस्ते पुष्पहार घालून अभिवादन करण्यात आले. हरीभाई देवकरण प्रशालेचा विद्यार्थ्यांनी राष्ट्रगीत, महाराष्ट्र गीत सादर केल्यानंतर जिल्हा कार्यक्रम व्यवस्थापक सचिन जाधव यांनी स्पर्श निर्मूलन अभियान व कुष्ठरोग निर्मूलनाची शपथ सर्वांना दिली. या प्रसंगी सिईओ कुलदीप जंगम व विद्यार्थ्यांच्याहस्ते हवेत तिरंगा रंगातील फुगे सोडण्यात आले.
त्यानंतर मुख्य कार्यकारी अधिकारी कुलदीप जंगम यांनी सर्व अधिकारी व कर्मचारी यांना प्रजासत्ताक दिनाच्या शुभेच्छा दिल्या.त्यानंतर भारतीय संविधान उद्देश्यीकेच्या स्तंभास सिईओ कुलदिप जंगम यांनी अभिवादन केले. मुख्यालयातील सहकार महर्षी शंकरराव मोहिते पाटील यांच्या पुतळ्यास पुष्पहार घालून सिईओ जंगम यांनी अभिवादन केले. डाएटअंतर्गत गुणवत्ताप्राप्त विद्यार्थ्यांना सिईओ कुलदीप जंगम यांच्याहस्ते सन्मानचिन्ह व प्रशस्तीपत्र वितरीत करण्यात आले. प्रजासत्ताक दिनी सीईओ यांच्याहस्ते प्रशस्तीपत्रक मिळाल्याने शालेय विद्यार्थ्यांना आनंद झाला. यापूर्वीच्या पदाधिकाऱ्यांची मुदत संपल्यामुळे गेली दोन वर्ष जिल्हा परिषदेवर प्रशासकराज आहे. त्यामुळे जिल्हा परिषदेतील ध्वजारोहणाचा मान सीईओना मिळाला आहे. पदाधिकारी असताना जिल्हा परिषदेचे अध्यक्ष व इतर विषय समितीचे सभापतींची उपस्थिती असते.
