सोलापूर : स्व. विष्णुपंत कोठे हे काँग्रेसचे निष्ठावंत नेते होते. त्यांनी काँग्रेसच्या अनेक निवडणुका यशस्वी केल्या. माजी केंद्रीय गृहमंत्री सुशीलकुमार शिंदे यांना निष्ठेने साथ दिली. आपला मुलगा आमदार व्हावा असे त्यांचे स्वप्न होते. पण काँग्रेसने त्यांच्या निष्ठेचे कदर केली नाही. वडिलांचे स्वप्न पूर्ण करण्यासाठी महेश कोठे यांनी तीन वेळा वेगवेगळ्या पक्षांकडून निवडणूक लढवली पण त्यात त्यांना यश आले नाही. पण नातू देवेंद्र कोठे यांनी भाजपमध्ये प्रवेश करून सोलापूर शहर मध्य ची निवडणूक लढवली आणि काँग्रेसचा बालेकिल्लाच त्यांनी सर केला व आजोबांची स्वप्नपूर्ती त्यांनी केली. तसेच कोठे घराण्यातील पहिला आमदार होण्याचा मानही त्यांनी मिळवला.
सोलापूर शहर मध्य विधानसभा मतदारसंघातून यापूर्वी काँग्रेसच्या प्रणिती शिंदे यांनी आमदारकी कायम राखली होती. लोकसभेच्या खासदार झाल्यानंतर त्यांचे वारसदार कोण ठरणार यामध्ये काँग्रेसमध्ये चुरस निर्माण झाली. ऐनवेळी काँग्रेसने शहराध्यक्ष चेतन नरोटे यांना संधी दिली पण नरोटे यांना काँग्रेसचा हा गड राखता आला नाही. भाजपच्या देवेंद्र कोठे यांनी पहिल्याच प्रयत्नात जोरदार मुसंडी मारली आणि प्रणिती शिंदे यांच्या मताधिक्यापेक्षा जास्त मताधिक्य मिळवले. देवेंद्र यांच्या या विजयाने अनेक गणित चर्चेत आली आहेत. त्यात कोठे घराण्याचा इतिहास महत्त्वाचा आहे. त्यांचे आजोबा स्व. विष्णुपंत कोठे काँग्रेसचे निष्ठावान होते. पण काँग्रेसने त्यांचे कदर केली नाही. त्यांना विधान परिषदेचे आमदार करावे म्हणून त्यांचे चिरंजीव महेश कोठे यांनी काँग्रेसच्या नेत्यांकडे लकडा लावला. पण काँग्रेसच्या नेत्यांनी ऐनवेळी दुसऱ्याच नावाची शिफारस केली. त्यामुळे नाराज झालेल्या महेश कोठे यांनी काँग्रेसची साथ सोडली. आमदारकीचे स्वप्न पूर्ण करण्यासाठी शिवसेना राष्ट्रवादी, राष्ट्रवादी शरद पवार गट असा त्यांनी राजकीय प्रवास केला. पण त्यात त्यांना यश आले नाही. पण त्यांचे पुतणे देवेंद्र कोठे यांनी राजकारणात प्रवेश केल्यानंतर सेनेचा भगवा झेंडा त्यांनी हाती घेतला. नगरसेवक झाल्यानंतर त्यांनी आपल्या प्रभागातील अनेक विकास कामे यशस्वी केली.पण महाविकास आघाडी अस्तित्वात आल्यानंतर बरीच राजकीय उलथापालच झाली. लोकसभा निवडणुकीच्या वेळेस त्यांनी ऐनवेळी भाजपचा रस्ता धरला आणि त्यांचा हा निर्णय पथ्यावर पडला. भाजपने त्यांना विधानसभेसाठी सोलापूर शहर मध्य मधून तिकीट दिले. अन पहिल्याच प्रयत्नात यशस्वी झाले आणि आजोबाचे स्वप्न पूर्ण झाले. काका महेश कोठे यांचा शहर उत्तर मधून पराभव झाला तर इकडे शहर मध्य मधून पुतण्या देवेंद्र कोठे विधानसभेत गेले. माढा व करमाळा मतदार संघात मात्र वेगळी परिस्थिती राहिली. काका माजी आमदार बबनदादा शिंदे यांचे चिरंजीव रणजीतसिंह व माजी आमदार संजयमामा शिंदे यांना पराभवाला सामोरे जावे लागले. सोलापूर शहर मध्य व करमाळा मतदार संघातील उमेदवाराला मिळालेली मते खालील प्रमाणे आहेत.
सोलापूर शहर मध्य…
देवेंद्र कोठे : 109195
फारूक शाब्दि : 60790
चेतन नरोटे : 16092
नरसाया आडम : 6749
श्रीनिवास संगेपांग : 1552
तौफिक शेख : 961
सुभाष गायकवाड : 607
एम. डी. शेख : 511
रवी म्हेत्रे : 371
मनीष गायकवाड : 346
खीजर पीरजादे : 244
मनीष कोमटी : 240
संदीप आडके : 230
रोहित मोरे : 197
दत्ता थोरात : 193
योगेश शीडगणे : 182
रविकांत बनसोडे : 141
देविदास दुपारगुडे : 104
प्रदीप सर्जन : 86
विक्रम कसबे : 85
करमाळा…
नारायण पाटील : 96012
संजयमामा शिंदे : 80006
दिग्विजय बागल : 40834
अभिमन्यू अवचर : 4791
जमीर शेख : 218
सिद्धाराम वाघमारे : 585
रामदास झोळ : 4791
जालिंदर कांबळे : 216
अशोक वाघमारे : 3962
मधुकर मिसाळ : 122
संजय शिंदे : 1525
धीरज कोळेकर : 310
विनोद सीतापुरे : 684
गणेश भानवसे : 82
संजय शिंदे : 629
