सोलापूर : सोलापूर शहर मध्य विधानसभा आगामी निवडणुकीसाठी भाजपतर्फे उमेदवारी मिळावी, अशी विनंती सोलापूर महानगरपालिकेचे माजी आयुक्त चंद्रकांत गुडेवार यांनी केली आहे. गुडेवार यांच्या या विनंतीला उपमुख्यमंत्री देवेंद्र फडणवीस यांनी रिप्लाय दिला आहे.
आगामी विधानसभा निवडणूक डोळ्यासमोर ठेवून राज्यभर विविध पक्षात मोर्चे बांधणी सुरू झाली आहे. सोलापूर जिल्ह्यातील अकरा तालुक्यातील असे चित्र दिसत आहे. सोलापूरसाठी सोलापूर शहर मध्य, दक्षिण सोलापूर व उत्तर सोलापूर असे तीन विधानसभा मतदारसंघ येतात. यात सध्या सोलापूर शहर मध्य विधानसभा मतदारसंघ रिकामा झाल्याने अनेकांचा या मतदारसंघावर डोळा आहे. भाजपमधून तर अनेकांनी सर्वेक्षण सुरू केले आहे. अशात सोलापूर महापालिकेचे माजी आयुक्त चंद्रकांत गुडेवार यांनी उपमुख्यमंत्री देवेंद्र फडणवीस यांच्याकडे या मतदारसंघातून निवडणूक लढविण्यास इच्छुक असल्याबाबत विनंती केली आहे. याबाबतचे वृत्त “सोलापूर समाचार’ वरून प्रथम प्रसिद्ध होताच सोलापूरच्या राजकारणात खळबळ उडाली आहे. सगळीकडे या बातमीची चर्चा सुरू आहे. आता या बातमी पुढची बातमी ही आहे की गुडेवार यांच्या या विनंतीला उपमुख्यमंत्री देवेंद्र फडणवीस यांनी उत्तर दिले आहे. ओके, विल चेक, असे त्यांनी उत्तर दिले आहे.
टीप :
या बातमीसाठी वापरलेला फोटो गुडेवार यांची बदली झाल्यावर सोलापूरच्या नागरिकांनी डिजिटलवर झळकाविलेला आहे.
