सोलापूर झेडपीच्या इतिहासात प्रथमच तीन आयुष्मान आरोग्य केंद्रांना राष्ट्रीय गुणवत्ता मानांकन
सोलापूर: केंद्र सरकारच्या राष्ट्रीय आरोग्य अभियानांतर्गत (NHM) आरोग्य संस्थांच्या दर्जा आणि सुविधांची पाहणी करून सोलापूर जिल्ह्यातील तीन प्राथमिक आरोग्य केंद्रांना राष्ट्रीय गुणवत्ता आश्वासन मानांकन (National Quality Assurance Standards – NQAS) प्रदान करण्यात आले आहे.
राष्ट्रीय NQAS मूल्यांकन हे आरोग्य सेवेतील गुणवत्ता, रुग्णकेंद्रित सेवा, सुरक्षितता, स्वच्छता, व्यवस्थापन आणि प्रभावी सेवा वितरण व आरोग्य विषयक जागरूकता यांचे राष्ट्रीय स्तरावरील सर्वोच्च मानांकन मानले जाते. सोलापूर जिल्ह्यातील जिल्हा परिषद आरोग्य विभाग,जिल्हा शल्यचिकित्सक कडील आरोग्य संस्था, महानगर पालिकेमधील आरोग्य संस्था या सर्व संस्थामधून केवळ जिप आरोग्य विभागमध्ये आज जाहीर झालेल्या राष्ट्रीय NQAS मूल्यांकनाच्या निकालात सोलापूर जिल्ह्यातील दहा वर्षीमध्ये प्रथम तीन आयुष्मान आरोग्य केंद्रांनी (AAM) उत्कृष्ट कामगिरी करत राष्ट्रीय स्तरावरील गुणवत्ता मानांकन यशस्वीरित्या संपादन केले आहे. सोलापूर जिल्हा परिषद आरोग्य विभागाने जिल्ह्याच्या इतिहासात प्रथमच तीन आयुष्मान आरोग्य मंदिरांना हा बहुमान मिळविला आहे.
प्रमाणपत्र प्राप्त आयुष्मान आरोग्य मंदिरे (उपकेंद्रे):
१) आयुष्मान आरोग्य मंदिर, मुस्ती (संबंधित: प्राथमिक आरोग्य केंद्र, बोरामणी, दक्षिण सोलापूर) – ८४.३१%
२)आयुष्मान आरोग्य मंदिर, येवती (संबंधित: प्राथमिक आरोग्य केंद्र, पाटकुल,मोहोळ) – ८३.७३%
३)आयुष्मान आरोग्य मंदिर, औंधी (संबंधित: प्राथमिक आरोग्य केंद्र, अंकोली,मोहोळ) – ८२.००%
NQAS मानांकनाचे प्रमुख लाभ:
गुणवत्तापूर्ण व सुरक्षित आरोग्यसेवा: या मानांकनामुळे उपकेंद्र स्तरावर रुग्णकेंद्रित, सुरक्षित, संसर्गमुक्त आणि अत्यंत दर्जेदार आरोग्यसेवा अधिक बळकट होण्यास मदत होईल.प्रशासकीय सुधारणा: आरोग्य केंद्रांमधील सेवा वितरण, रुग्ण सुरक्षा, औषध व आधुनिक उपकरण व्यवस्थापन, नोंदवही व्यवस्थापन तसेच रुग्णांच्या समाधानात सातत्याने वाढ होईल.गुणवत्ता प्रोत्साहन निधी (Incentive Fund): मानांकन प्राप्त संस्थांना राष्ट्रीय आरोग्य अभियानांतर्गत विशेष प्रोत्साहन निधी मिळण्यास पात्रता प्राप्त होते. या निधीचा वापर पायाभूत सुविधा, आधुनिक वैद्यकीय उपकरणे आणि रुग्णसुविधा अधिक मजबूत करण्यासाठी केला जाईल.ग्रामीण भागाला मोठा फायदा: ग्रामीण भागातील नागरिकांना त्यांच्या गावातच विश्वासार्ह, मोफत आणि उच्च दर्जाच्या आरोग्य सुविधा उपलब्ध होतील.
हे ऐतिहासिक यश सोलापूर चे पालकमंत्री जयकुमार गोरे यांच्या मार्गदर्शनखाली व मुख्य कार्यकारी अधिकारी कुशल जैन यांच्या नियंत्रणात तसेच जिल्हा आरोग्य अधिकारी डॉ. सतीश कोपुरवाड, अतिरिक्त जिल्हा आरोग्य अधिकारी डॉ. नंदकिशोर घाडगे, सहायक संचालक (कुष्ठरोग) डॉ. मोहन शेगर आणि जिल्हा माता-बाल संगोपन अधिकारी डॉ. हर्षल जाधव यांच्या सर्व टीमच्या अथक प्रयत्न व कार्यामुळे सक्षम नेतृत्वामुळे शक्य झाले आहे. हे यश जिल्हा प्रशासन, आरोग्य विभाग, तालुका आरोग्य अधिकारी, वैद्यकीय अधिकारी, समुदाय आरोग्य अधिकारी (CHO), आरोग्य कर्मचारी व आशा स्वयंसेविका यांच्या सामूहिक प्रयत्नांचे फलित आहे.
या उल्लेखनीय कामगिरीबद्दल सर्व संबंधित अधिकारी, कर्मचारी आणि आशा स्वयंसेविकांचे मनःपूर्वक अभिनंदन करण्यात आले आहे. तसेच, भविष्यात जिल्ह्यातील अधिकाधिक आरोग्य संस्थांनी राष्ट्रीय गुणवत्ता मानांकन प्राप्त करण्यासाठी सातत्याने प्रयत्नशील राहावे, असे आवाहन जिल्हा प्रशासनातर्फे करण्यात आले आहे. आरोग्य विभागाच्या या कामाबद्दल जिल्हा परिषदेचे अध्यक्ष दीपक वैद्य, उपाध्यक्ष इंद्रजीत पवार व आरोग्य सभापती चेतनसिंह केदार यांनी अभिनंदन केले आहे.
जिल्ह्यातील सर्व आरोग्य संस्थेचे NQAS मानांकन प्राप्त करण्याचा मानस असून जनतेला दर्जेदार व सुरक्षित आ
रोग्य सेवा देण्यासाठी प्रयत्न राहील..
– कुशल जैन. मुख्य कार्यकारी अधिकारी,
जिल्हा परिषद सोलापूर.
