सोलापूर

सोलापुरात गुलाबी थंडीला सुरुवात

सोलापूर : सोलापूर शहर व परिसरात गेल्या तीन दिवसापासून थंडीला सुरुवात झाली आहे. सकाळच्या बोचऱ्या थंडीमुळे लोकांना साथीच्या आजारचा त्रास सुरू झाला आहे.
जिल्ह्यात यावर्षी पाऊस जेमतेमच झाला आहे. ऑक्टोबर महिन्यात पावसाऐवजी ऑक्टोबर हिटचा अनुभव लोकांना मिळाला. पाऊस कमी झाल्यामुळे यंदा थंडीचा अनुभव कमी येईल असा अंदाज वर्तवला जात होता. मात्र आता गेल्या तीन दिवसापासून मध्यरात्रीनंतर थंडीला सुरुवात झाली आहे. सकाळी हवेत गारवा निर्माण होत असल्याने जाणवणाऱ्या बोचऱ्या थंडीचा आरोग्याला फटका बसू लागला आहे. सोलापुरात धुळीचे प्रमाण जास्त आहे. थंडीमुळे लोकांना एलर्जी, सर्दी, खोकला असे आजार सुरू झाले आहेत, दिवाळीत ही थंडी आणखी वाढेल असा अंदाज आता वर्तवला जात आहे. नवरात्रमध्ये यंदा पाऊस अजिबात पडला नाही. दसऱ्यानंतर पावसाला सुरुवात होईल असे सांगितले जात होते. मात्र सध्या कोरडे हवामान आहे. दिवसभर कडाक्याचे ऊन आणि रात्री थंडीला सुरुवात झाली आहे. या विचित्र हवामानाचा फटका आरोग्याला बसत लागला आहे.

Tags: #Climate