सोलापूर : राष्ट्रवादी महीला काँग्रेसच्या प्रदेशाध्यक्षा रुपाली चाकणकर यांनी सोलापूर शहर राष्ट्रवादी काँग्रेस महिला शहराध्यक्षपदी संगीता जोगधनकर व कार्याध्यक्षपदी चित्रा कदम यांची नियुक्ती केली आहे.
राष्ट्रवादीचे राष्ट्रीय अध्यक्ष अजित पवार प्रदेशाध्यक्ष सुनील तटकरे यांच्या मार्गदर्शनाखाली या निवडी रूपाली चाकणकर यांनी केल्या आहेत. पक्षाचे विचार पपक्षाची ध्येय धोरणे जनसामान्यांपर्यंत पोहचवून पक्षाचा प्रचार आणि प्रसार करून पक्ष कार्य अधीक गतीमान होण्याच्या दृष्टीने अध्यक्ष, कार्याध्यक्ष हे प्रयत्न करतीलच त्याच बरोबर महीला संघटन मजबूत करून अजित पवार यांचे हात बळकट करण्याच्या शुभेच्छा रूपाली चाकणकर यांनी नवनियुक्त पदाधिकारी यांना दिल्या.त्याचबरोबर सोलापूर जिल्हा राष्ट्रवादी काँग्रेस महिला निरीक्षक दिपाली पांढरे यांनी या निवडीबद्दल दोन्ही पदाधिकाऱ्यांना अभिनंदन करून शुभेच्छा दिल्या राष्ट्रीय अध्यक्ष अजित पवार प्रदेशाध्यक्ष सुनील तटकरे यांच्या मार्गदर्शनाखाली महिला प्रदेशाध्यक्ष रुपालीताई चाकणकर यांच्या नेतृत्वात सोलापूर शहरात अतिशय चांगले संघटन उभे करून महिला आघाडी शहराध्यक्ष कार्याध्यक्ष अतिशय मजबूत करतील असी खात्री असुन आपण पुढे वाटचाल करीत असताना सर्व सहकारी महिला पदाधिकारी यांना सोबत विश्वासात घेऊन आपण कार्य कराल अशी आशा व्यक्त केली.
संगीता जोगधनकर ह्या राष्ट्रवादी काँग्रेस फादरबाॅडीमध्ये सरचिटणीस या पदावर कार्यरत होत्या. तसेच त्या वीरशैव कक्कय्या समाज महिला मंडळाच्या संस्थापिका अध्यक्ष म्हणून कार्यरत आहेत तर चित्रा कदम ह्या राष्ट्रवादी महिला काँग्रेसमध्ये गेली अनेक वर्ष शहर सचिव या पदावर सक्रीय काम करीत होत्या.