सोलापूर : लोकशासन आंदोलन पार्टीचे जिल्हाध्यक्ष राजू गुरुपादप्पा दिंडोरे व कार्याध्यक्ष मारुती जाधव या दोघांविरुद्ध विनयभंग व ॲट्रॉसिटीचा गुन्हा दाखल करण्यात आला आहे.
पीडित महिला 11 जुलै रोजी दुपारी पावणे बारा वाजता सिविल चौकातील टायपिंग दुकानात आली होती. यावेळी तेथे आरोपी मारुती जाधव व राजू गुरुपादप्पा दिंडोरे आले. त्या महिलेने चौकशी केल्यावर मारुती याने जातीवाचक शिवीगाळ केली तर दिंडोरे याने लज्जास्पद वर्तन केले. पीडित महिलेने दिलेल्या फिर्यादीवरून या दोघांविरुद्ध जेलरोड पोलीस ठाण्यात गुन्हा दाखल करण्यात आला आहे. पुढील तपास सहायक पोलीस आयुक्त तोरडमल हे करीत आहेत.
या दोघांविरुद्ध यापूर्वी कामती पोलीस ठाण्यात गुन्हा दाखल झाला होता. या प्रकरणात अटकही झाली होती. जामिनावर सुटल्यानंतर आता दुसऱ्यांदा असा प्रकार घडला आहे.
More Stories
सोलापूरच्या महिला बचत गटाचा 30 टन कांदा गेला श्रीलंकेला
सोलापूर विधानपरिषद स्थानिक प्राधिकारी निवडणुकीसाठी प्रशासकीय यंत्रणा सज्ज
नाईट लँडिंगची सुविधा निर्माण करून सोलापूरची विमानसेवा जोमाने सुरू ठेवण्याची पालकमंत्री जयकुमार गोरे यांची ग्वाही