सोलापूर: केंद्र शासनाच्या कर्मचारी धोरणाच्या विरोधात महाराष्ट्र राज्य जिल्हा परिषद कर्मचारी महासंघ जिल्हा व तालुका शाखा सोलापूर यांच्यावतीने दि. 16 फेब्रुवारी रोजी जिल्हा परिषदेतून ‘वॉक आऊट” आंदोलन करण्यात आले.
कर्मचाऱ्यांना जुनी पेन्शन योजना लागू करा, सर्व कंत्राटी आउटसोर्सिंग व कामगार कर्मचाऱ्यांना सेवेत कायम करा, रिक्त पदे तात्काळ भरा, खाजगीकरण थांबवा, थकित महागाई भत्ताची रक्कम अदा करा,आठवा वेतन आयोग लवकरात लवकर स्थापन करा अशा विविध मागण्याकडे लक्ष वेधण्यासाठी सकाळी दहा ते अकरा असा एक तास जिल्हा परिषदेतील कर्मचाऱ्यांनी वॉक आऊट आंदोलन केले. या आंदोलनाचे व मागण्यांचे निवेदन शासनाकडे पाठवण्यासाठी जिल्हाधिकारी व जिल्हा परिषदेचे मुख्य कार्यकारी अधिकारी यांच्याकडे देण्यात आले.हे आंदोलन जिल्हा परिषदेच्या मुख्यालय पंचायत समिती स्तरावर करण्यात आले. या आंदोलनात कर्मचाऱ्यांनी उत्स्फूर्तपणे सहभागी होऊन आंदोलन यशस्वी केले. आंदोलनात महाराष्ट्र राज्य जिल्हा परिषद कर्मचारी महासंघ, मराठा सेवा संघ जि. प. शाखा, लिपिकवर्गीय कर्मचारी संघटना, लेखा संघटना, मागासवर्गीय बहुजन कर्मचारी संघटना, जिल्हा परिषद कंत्राटी कर्मचारी संघटना यांच्यासह इतर कर्मचारी संघटनेचे अनेक पदाधिकारी व सभासद यांनी भाग घेतला. मुख्यालयात राजश्री कांगरे, सुनिता भुसारे, ज्योत्सना साठे, काशेट्टी, अश्विनी भोसले, रेणुका प्रथमशेट्टी, सरस्वती व्हन्सूरे, पंगूडवाले,ऋतुजा शिंदे, लक्ष्मी शिंदे, कुलकर्णी, वाघमोडे, पेठकर,कांबळे, गायकवाड,उमराणी, केत, वसेकर, गवळी,म्हेत्रे, श्रीदेवी माने, श्रीदेवी महामुरे,शेख, तुपारे, कुंभार, करजगी,रांजने, सुपाते, मैगर्ती,लक्ष्मी शिंदे, पुजारी, गवळी आदी महिला कर्मचारी, महासंघाचे दिनेश बनसोडे, सचिन मायनाळ, उमाकांत कोळी, मराठा सेवा संघ जि प शाखेचे अध्यक्ष तथा लिपिकवर्गीय कर्मचारी संघटनेचे जिल्हाध्यक्ष अविनाश गोडसे,सरचिटणीस नागेश पाटील, कंत्राटी कर्मचारी संघटनेचे राज्य अध्यक्ष सचिन जाधव, लेखा कर्मचारी संघटनेचे हब्बू, श्रीमती सातपुते, वाघमोडे, पोगुल, मागासवर्गीय बहुजन कर्मचारी संघटनेचे राज्य अध्यक्ष गिरीश जाधव, राजू मानवी, संतोष जाधव, यांच्यासह सचिनं पवार, नरसिंह गायकवाड, जगदीश कुलकर्णी, इरफान कारंजे, चेतन भोसले, के. पी. शिंदे, समदूरले, सचिन गुरव यांनी मुख्यालयातील आंदोलनात भाग घेतला. अक्कलकोट, मोहोळ, कुर्डुवाडी, बार्शी, करमाळा, सांगोला, पंढरपूर, मंगळवेढा व माळशिरस येथील अनेक कर्मचाऱ्यांनी आंदोलनात भाग घेऊन आंदोलन यशस्वी केले. त्याबद्दल सर्व जिल्हा परिषद कर्मचाऱ्यांचे महासंघाचे जिल्हा अध्यक्ष राजेश देशपांडे यांनी आभार मानले.
