सोलापुरातील मोठी बातमी… मराठा समाजाचे दोन्ही गट झाले एकत्र

सोलापूर राष्ट्रमाता जिजाऊ मासाहेब यांच्या जयंतीनिमित्त सोलापुरातून एक मोठी बातमी समोर येत आहे. मराठा आरक्षणासाठी जरांगे पाटील यांच्या आरक्षण मोर्चाला सोलापूर जिल्ह्यातून साडेपाच लाख मराठा मुंबईला जाणार आहे. जिल्ह्यातील प्रत्येक तालुक्यामधून मराठा बांधव या आंदोलनात सहभागी होण्यासाठी सोलापुरातील सकल मराठा व मराठा क्रांती मोर्चा हे दोन्ही गट एकत्र झाले आहेत.
मराठा आरक्षणासाठी राज्यातील बांधवांनी 20 जानेवारीला मुंबईकडे जाण्याचे आवाहन मनोज जरांगे पाटील यांनी केले आहे. याचाच भाग म्हणून सोलापूर जिल्ह्यातील सर्व तालुक्यांमध्ये व प्रमुख शहरांमध्ये मराठा समाजातील बंधू व भगिनी यांच्याशी चर्चा विनिमय करण्यासाठी संपूर्ण सोलापूर जिल्ह्यामध्ये मराठा जागृती केली जाणार आहे. यासाठी सोलापूर जिल्ह्यातील सर्व तालुक्यातील प्रमुख समन्वयक मंडळी यांच्याशी चर्चा करून मुंबईला महाराष्ट्र त सर्वात जास्त मराठा बांधव सोलापूर जिल्ह्यातूनच जाण्याचे नियोजन सोलापूर जिल्हा मराठा क्रांती मोर्चाच्यावतीने चालू आहे. यासाठी प्रत्येक तालुक्यातील प्रमुखांची संपर्क साधून नियोजन केले जाणार आहे . या आंदोलनाची ताकद वाढवण्यासाठी सकल मराठा समाज व मराठा क्रांती मोर्चा या दोन्ही गटातील प्रमुख नेत्यांची गुरुवारी सोलापुरात बैठक झाली त्यानंतर हा लढा एकत्रित लढण्याचा निर्णय झाला. या निर्णयाची घोषणा करण्यासाठी सकल मराठा व मराठा क्रांती मोर्चा यांची संयुक्त पत्रकार परिषद दि. 12 जानेवारी 2024 रोजी अकरा वाजता होणार आहे . या पत्रकार परिषदेत याबाबतची मोठी घोषणा होणार असल्याचे सकल मराठा समाजाचे समन्वज माऊली पवार यांनी सांगितले आहे.