आमदार सुभाष देशमुख यांनी केले सईच्या गुणवत्तेचे कौतुक

सोलापूर : दक्षिण सोलापूर तालुक्यातील स्पर्धा परीक्षेच्या तयारी करणाऱ्या होतकरू व गुणवंत विद्यार्थ्यांचे भविष्य उज्वल होण्यासाठी जुळे सोलापुरात अभ्यासिका उभारण्याचा प्रयत्न करू असे आश्वासन आमदार सुभाष देशमुख यांनी दिले.

दहावीच्या परीक्षेत स्वबळावर यश संपादन केलेल्या सई सारोळे हिचा त्यांनी सन्मान केला. याप्रसंगी जुळे सोलापूरच्या कार्यकुशल नगरसेविका संगीता जाधव उपस्थित होत्या. सईच्या यशाचे वृत्त कळताच आमदार सुभाष देशमुख यांनी स्वतः फोन करून तिचे अभिनंदन केले व भावी संकल्प सिद्धिस जाण्यास शुभेच्छा दिल्या. त्यानंतर त्यांच्या सपंर्क कार्यालयात तिचा सन्मान करण्यात आला. यशाबद्दल आमदार देशमुख यांनी सईशी संवाद साधला. नगरसेविका संगीता जाधव यांनी स्पर्धा परीक्षेसाठी तयारी करणाऱ्या विध्यार्थ्यांसाठी जुळे सोलापुरात अभ्यासिका उभारण्याची गरज असल्याचे सांगितले. त्यावर प्राधान्याने विचार करू असे आश्वासन आमदार सुभाष देशमुख यांनी दिले. नगरसेविका संगीता जाधव यांनीही सईचा सन्मान करून तीच्या यशाचे कौतुक केले.

मामानेही दिल्या शुभेच्छा…

सईचे मामा व मंगळवेढा येथील नूतन प्रशालेतील क्रियाशील शिक्षक सिद्धेश्वर पवार व मामी सौ. पुष्पा पवार यांनी सईचा सन्मान केला व भावी संकल्पला शुभेच्छा दिल्या. सोलापूर पोलीस प्रशिक्षण केंद्रातील वरिष्ठ पोलीस निरीक्षक संगीता हत्ती यांनीही सईची भेट घेऊन कौतुक केले व करियरबाबत मार्गदर्शन केले.